Kaupfélag Skagfirðinga

Stórgripaslátranir

Smákálfaslátrun hefst aftur þriðjudaginn 3. nóv. og verður á þriðjudögum framvegis þar til annað verður auglýst. Kálfarnir verða að vera komnir í fjós, milli kl. 7:00 -11:00 sláturdag. Ekki má koma með smákálfa daginn áður.

Merkingar folalda.

Merkja verður folöld við hlið móður og láta lista af móðurnúmerum auk þess hvernig hvert folald er merkt, fylgja með bílstjóra og eða skilja eftir í púltinu í fjósinu ef menn flytja sjálfir. Innleggjendur þurfa að gefa upp númer fyrir slátrun sem skilgreint er frekar þegar tilkynnt er um sláturdag.

Í ljósi aðstæðna biðjum við aðila sem að flytja sjálfir að setja á sig hanska og maska áður en þeir koma inní fjósið og spritta. Og ekki fara lengra inn í fjósið en nauðsynlegt er. Eins með pappíra sem skildir eru eftir í fjósi eða skilað til bílstjóra, að meðhöndla þá heima við með sömu varúð.

Þetta gildir líka við afhendingar á gripum á stórgripabílinn, höldum fjarlægð eins og kostur er, berum grímur og hanska og sprittum.

Ef grunur er um smit eða fólk er komið í sóttkví þegar kemur að flutningi, vinsamlegast látið bílstjóra vita.

Förum varlega og munum, við erum öll almannavarnir.